Barnaþing í Landakotsskóla

 
Smellið á myndina til að sjá fleiri myndir.
(English below)

Dagur mannréttinda barna er haldinn 20. nóvember ár hvert. Á föstudaginn 19. nóvember var haldið upp á daginn í matsal skólans með barnaþingi. Tveir fulltrúar úr 1. – 10. bekk fluttu sitt hvora tillöguna frá sínum bekk og svöruðu með þeim spurningunni; Hvað getum við nemendur sjálfir gert svo okkur líði vel í skólanum? Hver bekkur ræddi með umsjónarkennara sínum ólíkar hugmyndir og var svo kosið í bekkjunum um það sem nemendum þótti mikilvægast. Viðstaddir barnaþingið voru þeir kennarar sem sjá um bekkjarráð á yngsta, mið- og unglingastigi; Hera Sigurðardóttir, Hulda Signý Gylfadóttir og Orri Erlingsson og formaður foreldrafélagsins Anna Lísa Björnsdóttir, ásamt Solveigu Shima sem heldur utan um Unesco verkefni skólans (sem þetta telst til). Tillögur nemenda eru til sýnis á vegg við matsal og verður unnið áfram með þær í nemendaráðum hvers stigs og skoðað hvernig megi koma þeim í framkvæmd eða gera hugmyndir sýnilegar – okkur öllum til áminningar. 

Meðal tillagna voru: 

    • Að bjóða þeim að leika sem langar að vera með en þora ekki að spyrja. 
    • Að passa að dömubindi séu aðgengileg. 
    • Að passa upp á skólann og að hann sé snyrtilegur. 
    • Ekki sóa mat. 
    • Að vera góð hvort við annað.
    • Að setja upp box þar sem nemendur gætu sett nafnlausar ábendingar ef þeir halda að einhverjum líði illa og að setja líka ábendingu um eitthvað sem má laga.

Nemendur sem tóku þátt voru:  

Lyla Davidson og Yahya Sulaman Nawaz fulltrúar K hóps 

Diljá Sæmundsen og Ottó Hugberg Torfason fulltrúar 1. bekkinga 

Astrid Eygló Gísladóttir Moody og Dylan Rumi Opiparo-Hussain fulltrúar A hóps 

Jón Gunnar Kjartansson og Rut Thors fulltrúar 2. bekkinga 

Hilmir Steinn Örvarsson og Björn Ásmundsson fulltrúar 3. bekkinga 

Magnús Alli Árnason og Saga Björk Svanlaugardóttir fulltrúar 4. bekkinga 

Yuktha Avani Tandra og Deen Jacob Opiparo-Hussain, fulltrúar B hóps 

Olga Aletta Roux og Benedikt Friðriksson   fulltrúar 5. bekkinga 

Sveindís Eir Steinunnardóttir og Matthías Jón Magnússon fulltrúar 6. Bekkjar 

Ari Akil Alexson og Bríet Jóhanna Arnarsdóttir fulltrúar 7. bekkinga 

Sonia Sokolova og Kristjana Amalia Eriksd. Quick 

Ófeigur Ovadia Simha Hlöðversson og Tinna Sif Þrastardóttir   fulltrúar 8. bekkinga 

Chadman Ían Naimi   fulltrúi D1 hóps 

Auður Edda Jin Karlsdóttir fulltrúi 9. bekkinga 

Ágúst Minelga Ágústsson  og Katrín Jónsdóttir, fulltrúar 10. bekkinga 

Caroline María Ólafsdóttir og Electra Sól Petzoldt fulltrúi D2 hkóps – 10. bekkinga 

Muhammad Shayan Ijaz Sulehria og Viola Sbardella fulltrúar D2 hóps – 9. bekkinga 

Children's Human Rights Day is held on November 20 every year. On Friday, the day was celebrated in the school canteen with a children's meeting. Two representatives from 1st - 10th grade each brought forward proposals from their class and answered the question with it: What can we students do to improve the well-being in school?
Each class discussed different ideas with their supervising teacher and the class then decided on which 2 issues they viewed as most important.
Attending the children's assembly were the teachers in charge of class councils at the youngest, middle and tennage levels: Hera Sigurðardóttir, Hulda Signý Gylfadóttir and Orri Erlingsson and chairman of the parents' association Anna Lísa Björnsdóttir, together with Solveiga Shima who manages the school's UNESCO project (which this was a part of). The students' proposals are on display on the wall by the canteen and will continue to be worked on in the student council meetings within each level. Together, we will be examining how the suggestions can be implemented or made visible - as a reminder to all of us.

Among the proposals were: 

  • To invite those who want to play but who are too afriad to ask
  • To make sure that feminine hygiene products are accessible in toilets. 
  • Take care of the school and keeping it neat. 
  • Do not waste food. 
  • To be kind to each other. 
  • To set up a box where students can put anonymous tips if they think someone is feeling bad and to also put a tip on something that can be fixed.

Framúrskarandi árangur á skákmóti

okt 21 2 forsida
Smellið á myndina til að sjá fleiri myndir.

Landakotsskóli stóð sig framúrskarandi vel á Reykjavíkurmóti grunnskólasveita sem fram fór í húsnæði Taflfélags Reykjavíkur 11.-12. október síðastliðinn. Skólinn sendi eitt lið í flokk 4.-7. bekkjar og lenti sveitin í fjórða sæti, steinsnar frá verðlaunasæti. Liðsmenn á miðstigi voru: Jón Louie Freygang Thoroddsen og Helgi Nils Gunnlaugsson 4. bekk, Muhammad Rayan Ijaz Sulehria B-hópi, Vilhjálmur Andri Jóhannsson 6. bekk. Liðsstjóri var Jón Fjölnir Thoroddsen. Sveitin vann þrjár viðureignir, gerði jafntefli í tveimur og tapaði tveimur, og hlaut 17 vinninga, aðeins hálfum vinningi frá þriðja sæti. Sjá nánar um úrslit mótsins á chess-results:  https://chess-results.com/tnr584188.aspx?lan=1 

Í keppni 8.-10. bekkjar sendi skólinn tvö lið, A-sveit og stúlknasveit. A sveitin gerði sér lítið fyrir og vann mótið, með þó nokkrum yfirburðum. Allar viðureignir unnust, heilir 22 vinningar af 24 mögulegum! Sveitin var skipuðum fráfarandi Íslandsmeisturum grunnskólasveita auk varamanna. Á fyrsta borði tefldi Adam Omarsson, á öðru borði Iðunn Helgadóttir, og á þriðja borði tefldi Jósef Omarsson sem fékk að tefla með eldri hópnum. Stefán Borgar Brynjólfsson, Jakob Rafn Löve og Muhammad Sanan Ijaz Sulehria í 10. bekk skiptust á að tefla á 4. borði. Landakotsskóli er því sigurvegari Reykjavíkurmóts grunnskólasveita í 8.-10. bekk 2021! Stúlknasveitin var skipuð þeim Gerðu Bergsdóttur, Ástu Eddu Árnadóttur og Tinnu Sif Þrastardóttur í 8. bekk og fékk sveitin 4 vinninga. Þar sem hún var eina stúlknasveitin í flokknum sigraði skólinn einnig í stúlknaflokki í 8.-10. bekk! Liðsstjóri beggja liða var Gauti Páll Jónsson. Sjá nánar um úrslit mótsins á chess-results: https://chess-results.com/tnr584179.aspx?lan=1 

Sjá einnig frétt Taflfélags Reykjavíkur: https://taflfelag.is/reykjavikurmot-grunnskola-2021-landakot-og-rimaskoli-sigursael/ 

Bláklukka, geðheilsa og Sundhöll! - Myndheimur sex teiknara

Sýning 3 1 Sýning 1 1

Hvernig getur ein mynd á augnabliki útskýrt hversu áttavilt manneskja getur orðið í þessu lífi? Hvernig má í fáum línum gefa innsýn í glímuna við geðið og geðheilsuna?

Í veggspjaldi sem Hugleikur Dagsson gerði fyrir Geðhjálp má sjá eina slíka tilraun; teiknaða tilfinningatjáningu. Veggspjaldið er hluti af sýningu sem nú stendur yfir í Landakotsskóla og samanstendur af verkum sex ólíkra teiknara sem eiga það sameiginlegt að fanga augnablik tilvistar okkar og umhverfis og segja sögu í gegnum merkingarbær smáatriði. Teikningarnar eru af ýmsum toga en listamennirnir sem eiga verk á sýningunni eru Halldór Baldursson, Linda Ólafsdóttir, Elísabet Rún, Jón Baldur Hlíðberg, Hugleikur Dagsson og Anna Cinthia Leplar, sem einnig er sýningarstjóri ásamt Ingibjörgu Jóhannsdóttur.

Sýningin er sú áttunda í röð skólasýninga sem prýtt hafa skólann á síðustu átta árum. Listaverk á göngum skólans eru liður í því að gera daglegt nám að margþættu og samþættu ferli hugar og handar. Innblástur gestalistaverka verður hvati hugleiðinga og eigin tilrauna undir handleiðslu og í samræðu. Í stað þess að fara á safn og skoða sýningu í eitt skipti, dvelja nemendur með listaverkunum um lengra skeið og fá tækifæri til að skoða og skynja verkin bæði beint og óbeint. Leiðsögn og samræða um sýningarnar er hluti af náminu en líka persónuleg tenging hvers og eins við ólík verk, ólík tjáningarform.

Teikningin er öflugt og margslungið tól. Sýningunni er ætlað að gefa innsýn í ólík frásagnarform miðilsins sem spannar allt frá vísindalegum nákvæmnisteikningum að endursköpun umhverfis skáldsins og prestsins Hallgríms Péturssonar með viðkomu í gríninu um alvöru lífsins.

Á sýningartímanum munu listamennirnir heimsækja skólann og vinna með ákveðnum nemendahópum. Í gegnum samræðu útskýra þeir vinnubrögð sín og aðferðir, segja frá því hvernig þeir búa til persónur, velja þá tækni eða aðferð sem best hentar og pæla í hlutskipti teiknara og listamanna almennt, hvernig og hvort sé hægt að vinna fyrir sér sem teiknari. Frásögn listamannanna sjálfra og samræða þeirra við nemendurna verður því enn eitt tilefnið til hugleiðinga um mismunandi frásagnarhætti okkar sögulegu tíma.

Sjá nánar um listamenninga hér.

In English                                                                                                                                                                                                           Landakotsskóla, haustjafndægrum 2021.
                                                                                                                                                                                                                          Ingibjörg Jóhannsdóttir, skólastjóri.