Þar segir: Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans. Skólaráð fjallar um skólanámskrá skólans, árlega starfsáætlun, rekstraráætlun og aðrar áætlanir um skólastarfið. Skólaráð skal fá til umsagnar áætlanir um fyrirhugaðar meiri háttar breytingar á skólahaldi og starfsemi skóla áður en endanleg ákvörðun um þær er tekin. Skólaráð fylgist almennt með öryggi, aðbúnaði og almennri velferð nemenda. Skólanefnd, sbr. 6. gr., getur með samþykki sveitarstjórnar falið skólaráðum einstakra skóla ákveðin verkefni þessu til viðbótar. 

Skólaráð er samráðsvettvangur skólastjóra og skólasamfélags um skólahald og skal slíkt ráð starfa við hvern grunnskóla. Skólaráð tekur þátt í stefnumörkun skólans og mótun sérkenna hans. Þegar fyrirhugaðar eru miklar breytingar á skólahaldi sendir skólaráð frá sér umsögn um málið áður en endanleg ákvörðun er tekin. Skólaráð hefur það hlutverk einnig að fylgjast með öryggi, aðbúnaði og almennri velferð nemenda. 

Skólastjóri stýrir starfi skólaráðs og ber ábyrgð á stofnun þess. Skólaráð fundar fimm sinnum á ári, í september, nóvember, janúar, mars og í maí. Skólastjóri boðar til fundar skólaráðs með viku fyrirvara og leitar eftir hugmyndum frá fundarmönnum um hvaða mál þeir vilja setja á dagskrá. 

Ráðið er skipað níu einstaklingum til tveggja ára í senn, þessir aðilar eru: 

Tveir fulltrúar kennara 

Einn fulltrúi annars starfsfólks viðkomandi skóla velja 

Tveir fulltrúar nemenda 

Tveir fulltrúar foreldra 

Skólastjóri 

Einn aðili úr grenndarsamfélagi skólans 

Fulltrúar kennara í skólaráð eru valdir til tveggja ára í senn úr eftirtöldum hópum kennara: umsjónarkennara yngsta og miðstigs, umsjónarkennara unglingadeildar og listgreinakennara, umsjónarkennara alþjóðadeildar og annarra sérgreinakennara. Fulltrúar nemenda eru formaður nemendafélags og annar fulltrúi í stjórn nemendafélags sem er í 9. bekk. Fulltrúi grenndarsamfélagsins í skólaráði er formaður stjórnar sjálfseignarstofnunar skólans. Hlutverk stjórnar sjálfseignarstofnunar og skólaráðs skarast.

Nánar er fjallað um hlutverk ráðsins í reglugerð 1157/2008 – Reglugerð um skólaráð við grunnskóla.