Skólareglur

Förum eftir fyrirmælum alls starfsfólks.

Notkun síma, myndavéla eða upptökutækja er óheimil á skólatíma. 

Símar eru geymdir hjá öllum nemendum í læstum skápum. Nemendur setja símana í skápana í upphafi dags og gæta þess að slökkva á þeim áður. Í lok skóladags fá nemendur símana afhenta aftur. Ef nemendur mæta seint bera þeir ábyrgð á að afhenda símana. Samræmdar reglur eru um hvenær nemendur fá símana sína í tengslum við valhópa eftir hádegi á þriðjudögum og föstudögum. Nemendur nota farsímana í skólanum eingöngu með leyfi kennara. Ef foreldrar þurfa að ná í barn sitt er hægt að hringja á skrifstofu í síma 5108200.  Ef nemendur þurfa að hringja geta þeir sömuleiðis fengið afnot af síma skólans. 

Sýnum hvert öðru vinsemd, virðingu og tillitssemi.

Á unglingastigi skulu hurðir inn í skólastofur vera opnar í frímínútum. 

Sýnum góða umgengni og borðum á svæðum sem til þess eru ætluð í skólanum.

Hendum öllu rusli í þar til gerðar fötur og flokkum það, nestisumbúðir og afganga af nesti skal þó taka með heim.

Forðumst hlaup og hnoð. 

Förum úr skóm í anddyri og höldum á skónum að fatahengi, tökum ofan höfuðföt á kennslutíma og í matsal.  

Við geymum yfirhafnir, húfur og útiskó í fatahengi.

 Vegna slysahættu er notkun hvers kyns hjóla s.s. reiðhjóla, hjólabretta, hlaupahjóla, línuskauta og vélknúinna ökutækja óheimil á skólalóð á skólatíma. 

Fyrrnefnd farartæki skulu geymd í hjólastöndum og vera læst á ábyrgð eiganda. 

Samkvæmt lögum ber að nota þar til gerðan öryggisbúnað á farartækjum. 

Rafhjól og hlaupahjól skulu geymd úti.

Snjókast er ekki leyfilegt. 

Verum á skólasvæði á skólatíma. 

Nemendur 5 ára til 7. bekkjar fara ekki út af leiksvæðum skólans í frímínútum.

Stöndum vörð um eigur skólans og allra sem þar starfa.

Nemendur eiga ekki að hafa peninga eða önnur verðmæti með sér í skólann að nauðsynjalausu.

Ofbeldi er ekki liðið í Landakotsskóla.