Skólabyrjun 23. ágúst

Skólasetning í Landakotsskóla verður mánudaginn 23. ágúst. Vegna sóttvarna og samkomutakmarkana mun þessi fyrsti dagur verða með sama móti og síðasta haust. Hver bekkur mun hitta sinn umsjónarkennara og einn sérgreinakennara og eyða stund með þeim í skólanum og í nágrenni hans. Ef þið viljið hitta á mig, Önnu Guðrúnu, verkefnastjóra og nemendafulltrúa, Laurie Berg, deildarstjóra alþjóðadeildar, Helgu Stefánsdóttur, deildarstjóra stoðkennslu, Ernu Ólafsdóttur, sérkennara á yngsta stigi eða Karitas Sumati, forstöðukonu frístundar þá vinsamlegast sendið okkur póst og við finnum stund og stað fyrir fund.

Nemendur mæti í skólann eins og hér segir mánudaginn 23. ágúst:

GULT HÓLF I - VESTURHÚS
. 1. bekkur, kl. 8:30 - 10:30, á leiksvæði yngri barna. Hildur Karen, umsjónarkennari, Sunneva Kristín Sigurðardóttir, stuðningsfulltrúi og Karitas Sumati Árnadóttir, forstöðukona frístundar.
. 2. bekkur, kl. 8:45- 10:45 á leiksvæði yngri barna. Hera Sigurðardóttir, umsjónarkennari, Nanna Hlíf Ingvadóttir tónmenntakennari og Karitas Sumati Árnadóttir, forstöðukona frístundar.
. 3. bekkur, kl. 9:00 - 11:00 á leiksvæði yngri barna. Ólafía María Gunnarsdóttir, umsjónarkennari, Erna Ólafsdóttir sérkennari á yngsta stigi og Karitas Sumati Árnadóttir, forstöðukona frístundar.
. A hópur, kl. 9:15 - 11:15 á leiksvæði yngri barna. Jennifer Helen Mckeown ásamt Karitas Sumati forstöðukonu frístundar.

MIÐHÚS - BLÁTT HÓLF 
Nemendur og foreldrar munu hitta kennara sína fyrir framan inngang í miðhúsið sem er í portinu á móti Krists kirkju.
. 4. bekkur, 8:30 - 10:30. María Emilsdóttir, umsjónarkennari, Sinead McCarron, kennari í tækni og hönnun og Jolanta Paceviciené stuðningsfulltrúi.
. 5. bekkur, 8:45 - 10:45. Hulda Signý Gylfadóttir og Ólafía Jóhannesdóttir stuðningsfulltrúi, ásamt Stefaníu Stefánsdóttir myndmennta- og textílkennara
. B hópur, 9:00- 11:00. Erin Mae Johnson umsjónarkennari and Guy Stewart leiklistarkennari.
. C hópur, 9:15 - 11:15. Laura Engelhoff, umsjónarkennari og Stephanie User

GRÆNT HÓLF II - AUSTURHÚS 
Foreldrar og nemendur munu hitta kennara sína á stéttinni við aðalinngang skólans við Túngötu (á móti Landakotsspítala).
. 6. bekkur: 8:30 - 10:30. Guðbjörg Magnúsdóttir og Ragnheiður Kolviðsdóttir danskennari.
. 7. bekkur: 9:00 - 11:00. Kjartan F. Ólafsson og Guðrún Eyþórsdóttir umsjónarkennarar, ásamt Laru Hogg enskukennara.
. 8. bekkur: 13:00 Ása Sigurlaug Harðardóttir, umsjónarkennari og stærðfræðikennari og Louise Harris enskukennari og myndmenntakennari og Helgi Hrafn Ólafsson náttúru- og samfélagsfræðikennari.
. 9. bekkur: 9:30. Solveig Shima, umsjónarkennari og frönskukennari og ásamt Nínu Leósdóttir íslenskukennara.
. 10. bekkur: 13:30. Helga Birna Björnsdóttir, umsjónarkennari og dönskukennari og Sigríður Hjálmarsdóttir stærðfræðikennari.
. D1: kl. 10:00 Lara M. Hogg umsjónarkennari and Alexandre Goncalves aðstoðarkennari
. D2: kl. 14:00 Tom Clogan, umsjónarkennari and Alexandra Renee Illes aðstoðarkennari

Ætlast er til þess að nemendur komi með nesti þennan fyrsta dag (ávexti eða grænmeti og vatn) og líka þaðan í frá. Nemendur fá afhent námsgögn svo mikilvægt er að þeir komi líka með skólatöskur.
Margrét Sigurðardóttir og Anna Lísa Jónsdóttir munu boða foreldra fimm ára barna í einstaklingsviðtöl þennan fyrsta skóladag. Foreldrar fimm ára barna hafa tækifæri síðar til að hittast sem hópur og kjósa bekkjarfulltrúa.
Umsjónarkennarar annarra nemenda sem eru nýir í skólanum munu kalla forráðamenn á fund í þessari eða næstu viku.
Yngri nemendur, 1. - 3. bekkur og A hópur munu hittast á leikvelli yngri barna með foreldrum sínum og eiga þar stutta stund saman áður en þeir fara einir inn í skólann með kennurum sínum. Foreldrar ná í börnin tveimur tímum síðar. Kjósa þarf tvo bekkjarfulltrúa í hverjum bekk.

Við skiptum skólanum í þrjú sóttvarnarhólf, hvorki nemendur né starfsfólk fara á milli hólfa. Þetta þýðir að stundaskrár nemenda verða með öðru sniði. Við höfum þó reynt að hafa stundaskrár allar sem næstar réttu lagi.
Með þessum nokkuð hörðu aðgerðum vonumst við til þess að þurfa ekki að loka öllum skólanum eða stórum hluta ef sýking kemur upp.

Á unglingastigi hefur þetta lítil áhrif á námið annað en að val mun ekki geta farið strax af stað eins og lagt var upp með þar sem kennarar valgreina eru í öðrum sóttvarnarhólfum. Við munum bjóða upp á áhugaverð verkefni í hluta valtíma þar sem hver bekkur vinnur með sínum hópi. Stærðfræðival á unglingastigi mun fara af stað þar sem hver bekkur vinnur sér.
Í öðrum bekkjum verður kennsla líka í föstum skorðum nema að börnin fara ekki í allar þær sérgreinar sem þau sækja venjulega. Þau munu í staðinn verða fleiri tímar í ákveðnum sérgreinum og mun það fara eftir því hvaða sérgreinastofur eru í þeirra sóttvarnarhólfi. Umsjónarkennarar munu láta ykkur fá tímabunda stundatöflu á fyrsta skóladeginum.

Mötuneyti skólans er í sóttvarnarhólfi yngstu nemenda og því munu þau ein fá heitan mat. Öðrum verður boðið að kaupa matarpakka. Í matarpökkum frá Matartímanum hafa verið samlokur eða pastasalat, ávextir eða jógúrt eða skyr og ósykraður drykkur. Hér á heimasíðu skólans efst til hægri undir "Umsókn um skólavist"  er hlekkur þar sem sækja má um mataráskrift. Þegar þið hafið skráð ykkur hafið þið skuldbundið ykkur til áskriftar til mánaðarmóta september - október. Mataráskrift á að segja upp með viku fyrirvara. VINSAMLEGAST SENDIÐ MATARSKRÁNINGU FYRIR FÖSTUDAG.

Við teljum ekki rétt að bjóða foreldrum inn í skólann að sinni en því er mannskapurinn nú orðinn vanur!

Á heimasíður skólans undir umsóknir er hlekkur á skráningarblað fyrir sem ætluð er börnum í fimm ára - 4. bekk. Fimm ára börn eru sjálfskrafa skráð í frístund og því þarf ekki að sækja sérstaklega um hana. Vinsamlegast fyllið hana út ef þið hafið ekki gert það nú þegar FYRIR FÖSTUDAG. Frístund hefst þriðjudaginn 24. ágúst.

Með góðum kveðjum,
Ingibjörg Jóhannsdóttir, skólastjóri.

English