Nemendum 9. og 10. bekkjar Landakotsskóla býðst að taka fyrstu tvo stærðfræðiáfangana á náttúrufræðibraut Menntaskólans við Hamrahlíð, STÆR2AA05 og STÆR2BB05. Um er að ræða áfanga sem í MH eru teknir á einni önn hvor en þeim er dreift yfir eitt ár fyrir grunnskólanema.

Í 8. bekk hefur nemendum skólans boðist að taka stærðfræðival sem gefur þeim þann grunn sem þarf til að fara í framhaldsskólastærðfræðina fyrr en víðast annars staðar. Það val býðst jafnframt nemendum 9. og 10. bekkjar sem vilja styrkja grunn sinn í stærðfræði unglingastigsins.

 Alls tóku 45 nemendur úr þremur grunnskólum próf í MH síðastliðinn miðvikudag, en þar af voru 15 frá Landakotsskóla. Af þeim tóku 6 sitt annað lokapróf í menntaskólaáfanga í stærðfræði, og hafa þar með kost á að vera búnir með fyrsta árið í stærðfræði við menntaskólann. Alls tóku 7 nemendur próf í þessum síðara áfanga í þetta sinn, restin tók fyrri áfangann sem einungis er boðið upp á kennslu í við hina grunnskólana. Nemendur voru að vonum spenntir, og pínu stressaðir, að að stíga inn í menntaskóla sumir hverjir í fyrsta sinn og taka próf og uppskera eftir að hafa lagt á sig mikla vinnu í vetur.
Með bestu kveðju, Höskuldur M, stærðfræðikennari.