LEGO keppni

22. nóvember

Landakotsskóli tók þátt í Legó vélmenna keppninni sem fram fór í Háskólabíói 11.nóvember síðastliðinn. Höfðu nemendur gagn og gaman af og voru Landakotsskóla til mikils sóma! Alls tóku um 20 grunnskólar þátt víðsvegar af landinu og kepptu í að forrita og hanna legóvélmennið til að leysa skemmtilegar þrautir. Í ár var það Garðaskóli sem stóð uppi sem sigurvegari.  Hér eru nokkrar myndir frá þessum skemmtilega degi.

Ritsmiðja í 8.bekk

20. nóvember 

IMG 0769

8. bekkur var svo ljónheppinn að fá Hildi Knútsdóttur rithöfund í heimsókn. Hún stóð fyrir ritsmiðju með krökkunum tvo föstudaga í röð. Það er skemmst frá því að segja að Hildur miðlaði kunnáttu sinni af fagmennsku og listfengi og vakti mikla lukku. Við þökkum henni kærlega fyrir komuna.

Heimsókn á Gerðarsafn

16. nóvember

 

Jörðin sem olíulitur á striga er dagskrá sem Gerðarsafn og Náttúrufræðistofa hafa sérsniðið með 4.bekkinga í huga bjóða nemendum í heimsókn í nóvembermánuði. Síðastliðinn mánudag fór 4.bekkur Landakotsskóla í heimsókn þangað. Tilgangurinn er að bjóða þessum aldurshópi í vangaveltur um myndlist og náttúruvísindi í því skyni að varpa ljósi á hvað greinarnar eiga margt sameiginlegt.
Þá fengu nemendur einnig kynningu á Gerði Helgadóttur og verkum hennar, en safnið var stofnað í minningu hennar.
Kynning á dagskránni var svona:
Á listasöfnum kynnumst við ekki aðeins myndlist heldur getum við fengið nýja sýn á umhverfi okkar, þar á meðal náttúru og vísindi. Í heimsókninni á Gerðarsafn verður málverkasýningin Staðsetningar skoðuð og náttúran kynnt á nýjan hátt. Á Náttúrufræðistofu verða vangaveltur um stærð, lengd, þyngd, útlit og áferð náttúrugripa á dagskrá.
Var þetta bæði áhugaverð og skemmtileg heimsókn. Hér má sjá fleiri myndir úr ferðinni og hér má komast á heimasíðu Gerðarsafns og lesa sér til um sýningarnar.